Едно лице загина а две се потешко повредени во сообраќајки во Скопје
Едно лице загинало во една од вкупно 27 сообраќајки регистрирани во текот на изминатиот викенд на подрачјето на СВР Скопје. Во шест незгоди потешко биле повредени две лица, а во 15 со полесни повреди се здобиле 21 лице. Девет сообраќајки биле со материјална штета.
Од МВР информираат дека викендов сообраќајната полиција открила и санкционирала поголем број прекршоци. Шеесет и девет возачи се движеле со брзина поголема од дозволената, пет возачи поминале на крстосница на црвено светло и тројца возачи за неправилно престигнување. Од сообраќај биле исклучени 14 возачи пред да се стекнат со право на управување на моторно возило и 15 возила со истечена важност на сообраќајната дозвола. Санкционирани биле и 16 пешаци кои поминале коловоз вон пешачки премин. Затекнати биле 200 непрописно паркирани возила.
Со помош на специјалното возило пајак, отстранети биле 181 возило.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
