Дејан заспа и повеќе не се разбуди: Сопругата на Жика за смртта на тригодишниот син

Веста за смртта на тригодишниот Дејан, син на актерот Срѓан Жика Тодоровиќ ја потресе Србија.

Во семејниот дом на Тодоровиќ на Врачар владее преголема тага, а сопругата на Срѓан, Ана и мајка на малиот Дејан едвај смогнала сила да прозбори за смртта на својот единец.

-Вчера беше сосема обичен ден, бевме на контрола, бидејќи Дејан беше болен, пиеше антибиотик. Околу пет часот легна да спие. Заспа и два и пол часа подоцна  се обидов да го разбудам. Беше потонат во постелнината, а усните му беа модри. Се исплашив и вриснав. Се обидов да го разбудам, но неуспешно. Деки не беше алергичен на антибиотици. Мене неговата смрт ми е мистериозна. Никогаш порано не бил болен – додада неутешната мајка и открила дека таа и Жика се обиделе да го реанимираат синчето додека дошла Брзата помош, но безуспешно.