Дебар: Малолетничка му раскинала, голите фотки ги испратил на татко и

Полициската станица Дебар поднесе кривична пријава против 20-годишниот Р.А. од селото Елевци, општина Центар Жупа, бидејќи уценувал малолетничка со компромитирачки фотографии.

МВР соопшти дека во текот на октомври минатата година, пријавениот набавил еротски фотографии од малолетничка со која порано бил во љубовна врска, а потоа се обидел да ја уценува барајќи и други такви фотографии.

Во момент на револт од прекината љубовна врска, Р.А. дел од фотографиите, преку социјалните мрежи, ги испратил на нејзиниот татко, како и на повеќе роднини и пријатели.

При проверка на мобилниот телефон на пријавениот, биле пронајдени неколку еротски фотографии од оштетената.