Излезноста до 17 часот 43,83 отсто - прекин на две избирачки места
Според 99,21 отсто од обработените податоци, излезноста на денешниот втор круг од локалните избори до 17 часот на ниво на Македонија е 43,83 отсто, соопшти попладнево портпаролот на ДИК Љупка Гугучевска.
Гугучевска на прес-конференција рече дека гласањето тече непрекинато освен на две избирачки места, во општините Бутел и Шуто Оризари каде што имало прекини поради технички дефект на УВ ламбите, но не подолги од половина час, поради што и таму гласањето ќе заврши во 19 часот.
- Сите избирачки места беа отворени навреме и гласањето тече без проблем, истакна Гугучевска.
До ДИК се доставени четири приговори од граѓани кои не биле запшишани во Избирачкиот список, но Комисијата ги одбила зашто граѓаните извадиле лични документи по завршуавето на јавниот увид.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
