Синоќа полиен со бензин и запален џипот на таткото на Боки 13

Синоќа во 2 часот во населбата Тафталиџе опожарен е нов џип „БМВ“. Сведоци велат дека претходно се слушнала голема експлозија.

Возилото било паркирано пред семејната куќа на Бојан Јовановски, Боки 13-ка, а било сопственост на неговиот татко.

Со брза интервенција на противпожарното возило, големиот пожар бил локализиран и не е проширен на семејните куќи и другите паркирани автомобили.

Истражните органи извршиле увид и не соопштуваат која е причината за опожарување на возилото.