Илиоски: Битола се гради и развива и во иднина ќе добие многу зеленило и паркови наменети за сите жители

Битола се гради и развива, напредокот значи повеќе урбани блокови и зголемен животен стандард и повеќе возила, затоа сите заедно мора да планираме и да направиме повеќе зелени паркови, ова на прес-конференција денеска го истакна кандидатот за градоначалник на Битола Зоран Илиоски.

-За почеток заедно со вас ќе засадиме 10 илјади садници дрвја и блоковско зеленило секаде каде што е можно и ќе утврдиме урбани паркови, тие не се само прочистувач на воздухот, туку и место за одмор, игра и дружење. Парковите ги обединуваат и младите и старите, парковите се алтернатива за седењето пред фотелји и гледањето телевизија, место за размислување и оттргнување од секојдневните грижи, парковите значат поздрави и посреќни луѓе, а за Битола со многу зеленило и многу паркови, потенцираше Илиоски.