Една фотографија ќе го чинеше живот - тинејџер итно пренесен на скопските клиники
Поради една фотографија за малку ќе загинеше 14-годишно момче во депото на Македонски Железници.
Според информациите на МВР, несреќата се случила во 15.50 часот во Скопје, во депото на Македонски Железници, 14-годишник од Скопје се качил на вагон-цистерна со намера да се фотографира. Но, кога се доближил до електричниот вод, кој е под висок напон, бил удрен од струен удар и притоа се здобил со тешки телесни повреди. Од страна на екипа од Итна медицинска помош малолетникот бил пренесен во Ургентен центар Скопје каде е задржан на понатамошно лекување.
Се преземаат мерки за целосно расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа