Канческа-Милевска: „Потребни се заеднички ставови кога се работи за државни интереси“

Многу е важно сите да го разгледаат овој патоказ, сите да дадат одговор на прашањата кои се поставени во патоказот. Многу е битно да имаме заеднички став по однос на овие прашања, изјави во Отвореното студио на ТВ Нова Елизабета Канческа-Милевска, член на извршен комитет на ВМРО-ДПМНЕ и пратеник во Собранието на РМ.

-„Социјалдемократскиот сојуз, како што слушнав, веднаш го отфрли овој патоказ. Мислам дека сите треба заеднички за седнеме, да поразговараме, да донесеме заеднички став, бидејќи се работи за државните и националните интереси на нашата држава.“-рече Канческа-Милевска.

-„Кога станува збор за државни и национални интереси, мора да имаме заеднички став по однос на сите овие прашања.“- децидна е Канческа-Милевска.