ВМРО-ДПМНЕ: Проблемот со квалитетот на воздухот бара сеопфатно решение
ВМРО-ДПМНЕ преку соопштение реагираше на денешната изјава на СДСМ која побара мерки за решавање на проблемот со загадувањето на воздухот.
Во реакцијата, ВМРО-ДПМНЕ истакнува дека решавањето на проблемот со квалитетот на воздухот бара сеопфатно решение на кое што партијата веќе работи, а не со нереални предлози и проекти.
ВМРО-ДПМНЕ оценува дека СДСМ ја манипулира јавноста и предлага мерки за гасификација, а од друга страна Куманово и Струмица се едни од најзагадените општини во државата.
- Токму од овие општини стигаат информации за зголемен број граѓани кои се жалат на квалитетот на воздухот и влијанието врз нивното здравје. Лицемерието на СДСМ не застанува само тука. Тие зборуваат за гасификацијата, а забораваат да кажат дека токму овие два града кои наводно ги гасифицирале се едни од градовите со највисоко ниво на загаденост, се наведува во реакцијата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа