Попоски: Кога Ховит зема страна и оди на настан на СДСМ не е проблем, проблем е кога десничар ќе се појави кај ВМРО-ДПМНЕ

Ниски и недолични коментари, без политичка култура можат да ја донесат Македонија и на раб на дипломатски скандал. Членови на СДСМ и аналитичари од опозицијата синхронизирано го нападнаа појавувањето на австрискиот министер за надворешни работи Себастијан Курц. Меѓу коментаторите се и Едмонд Адеми, Ивор Мицковски, Зоран Фидановски кој член во Агенцијата за аудио и аудиовизуелни медиумски услуги, Бранко Тричковски…

На својата Фесјбук страна, по ова прашање, реагираше носителот на ИЕ 1 Никола Попоски кој напиша:

Кога Ричард Ховит како левичар одеше на настани на СДСМ и најотворено заземаше страна за сестринска партија и тоа од позиција на известувач во Европскиот парламент, што по дефиниција треба да има неутралност, тогаш тоа не беше проблем. Но, ако случајно некој десничарски политичар дојде на настан на ВМРО-ДПМНЕ, тогаш тоа било заземање страна… Па барем малку објективност да се задржи. На крајот, мислам дека ни требаат пријатели на Македонија и од лево и од десно, а народот во Македонија е тој што одлучува суверено каков треба да е составот во Собранието по избори. Дајте да се обединиме околу една и единствена причина – европската кауза на Македонија!