Ѓорчев ги слушна идеите и проблемите на граѓаните: ВМРО-ДПМНЕ со најобемна програма

Влатко Ѓорчев од ВМРО-ДПМНЕ синоќа во Рогачево, Беловиште, Старо Село и Вратница оствари средби со голем број на граѓани.

Со нив разговараше за проблемите со кои се соочуваат и им порача дека ВМРО-ДПМНЕ има за цел да ги решава реалните проблеми на граѓаните, дека тоа го прави со години наназад.

-Ние сме во финална фаза на комплетирање на програмата на ВМРО-ДПМНЕ. Ја правиме најголемата, најкомплетна програма досега во која ќе има низа мерки за подобрување на состојбите во Република Македонија. И Владата и ВМРО-ДПМНЕ сме на страната на она што значи проекти, повеќе можности, поддршка за образованието, здравството, патната инфраструктура, истакна Ѓорчев.

Тој е секојдневно на терен меѓу граѓаните од сите делови на Македонија и од нив слуша и предлози, а дел од нив ќе бидат дел и од програмата со која ВМРО-ДПМНЕ ќе настапи на претстојните избори.