„Денешниот прес, пример за политичкото работење на СЈО“
Денешната прес конференција е класичен пример што го потврди политичкото работење на СЈО, за жал, СЈО беше формирано да ја каже вистината за граѓаните, но денешниот прес е пример за политичко работење, истакна Канческа Милевска, откако СЈО отвори истрага по кодно име „Тендери“ каде првоосомничено е раководно лице од Министерството за култура и тројца членови на Комисијата за јавни набавки.
-Документацијата е дадена во СЈО, секој кој сака може да ја погледне и да се увери дека документацијата е уредна. Обвинувањата се однесуваат не на целиот музеј на ВМРО, туку на партерот на уредување, нешто што започна да се изведува од август 2011-та и заврши во 2013-та година со изведба. Овој предмет се однесува за овие делови, на нешто што е спроведено врз основа на претходно урбанистичка документација, истакна Милевска.
Таа гостуваше во отвореното студио на ТВ Нова, заедно со екс министерот за транспорт и врски Миле Јанакиески. Повикан беше и претставник од СЈО, меѓутоа од ова обвинителство истакнаа дека не се во можност да присуствуваат на дебатата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
