Повторно одложено судењето за Зоран Божиновски
Повторно е одложено судското рочиште за судењето на новинарот Зоран Божиновски. Ова се случува бидејќи судијката Сандра Крстиќ, која го води судењето, била болна. Таа побарала замена па на нејзино место судот ја постави судијката Ленка Давитковска.
Божиновски беше дел од предметот „Шпион“, но постапката за него беше раздвоена. Основниот суд Скопје 1 – Скопје информираше дека не може да ги добие доказите за Божиновски бидејќи предметот „Шпион“ сè уште е во Апелациониот суд. Судијката Крстиќ ги побарала доказите уште во август, но сè уште немаше добиено одговор од Апелациониот суд.
За потсетување, Божиновски се товари дека ги сторил кривичните дела: злосторничко здружување, уцена и шпионажа.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
