ВИДЕО: Абрамович го покажа возниот парк - со другарите се провозе во автомобили вредни 11 милиони евра

Тој е познат како еден од најбогатите луѓе на планетава и сопственик на англискиот фудбалски клуб Челзи, а сега Роман Абрамович ја покажа и својата неверојатна колекција на автомобили за време на возењето со пријателите на патеката Нирбургринг во Германија.

Тоа е прв пат Абрамович да направи јавен настап со своите возила, чија вредност се проценува на 8,5 милиони фунти (10,8 милиони евра).

Сопственик на германската патека е поранешниот деловен партнер на Абрамович, рускиот олигарх Виктор Каритонин, кој го повикал својот пријател да присуствува на дводневната трка.