Ги спакуваа ли Македонците куферите за продолжениот викенд? - состојба на патиштата

Сообраќајот на сите останати државни патишта во Македонија се одвива без забрани, по наместа влажни коловози. На регионалниот пат Р-2137 пред населено место Војшанци, поради деформации на мостот за возила со вкупна маса над 5 тона сообраќајот  се пренасочува преку мост на река Вардар, врска А1 со Р-2137 Демир Капија – Корешница – Војшанци.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Гостивар – крак Маврово - Стража, Демир Капија – Удово, Виница – Берово, Кочани-Делчево и Ресен - Буково каде е можна почеста појава на одрони. 

Интензитетот на сообраќај на патните правци надвор од градските средини е умерен, на граничните премини нема подолги задржувања за влез и за излез од државата. Оваа информација се однесува само за македонската страна на премините.