90 рудари заробени под земја во Русија
Во рудникот за јаглен во градот Воркут на рускиот Арктик денеска се случи несреќа и поради одрони заробени останаа 90 рудари, соопшти регионалниот огранок на руското Министерство за вонредни ситуации.
- Евакуацијата е во тек, се наведува во соопштението, јави ТАСС.
Засега нема информации дали некој е повреден во оваа несреќа.
- Одроните во рудникот се пријавени околу 15 часот по московско време (13 часот според средноевропско време). Можно е во рудникот моментално да се наоѓаат околу 90 луѓе. Во тек е нивно извлекување на површината, соопшти Министерството.
Рудникот Севернаја е во сопственост на рударската компанија „Воркутаугол“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
