Во Куманово почна имунизацијата против сезонски грип
Почна вакцинацијата против сезонски грип во Куманово. Интересот е голем и до пладневните часови се вакцинирале 276 лица. Ова денеска го соопштија надлежните од Центарот за јавно здравје-Куманово.
Центарот набавил 2.000 дози вакцини од кои 300 се дистрибуирани до подрачните служби во Крива Паланка и Кратово. За разлика од претходните години бројот на набавените вакцини годинава е поголем за 500 дози.
- Интересот за имунизација е исклучително висок. Ги повикуваме лицата од ризичните групи, повозрасните, хронично болните, лицата со кардиоваскуларни заболувања, заболените од дијабетес и оние со намален имунитет, навреме да се вакцинираат, изјави доктор Јадранка Стаменковска, епидемиолог од Центарот за јавно здравје-Куманово.
Посочи дека непосредно пред да се прими вакцината се спроведува општ лекарски преглед.
- Ако лицата имаат акутни инфективни заболувања, тогаш имунзацијата се одложува, рече Стаменковска.
Вакцината е од холандско потекло и чини 400 денари.
Од Центарот за јавно здравје-Куманово истакнаа дека минатата година вакцина против грип примиле 1.500 граѓани. Имунизацијата против грип се спроведува во октомври и ноември, објаснуваат лекарите, поради навремено стекнување отпорност на организмот пред стартот на сезоната на грип.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа