Во Куманово мирно, двете улици се уште блокирани
Во Куманово денеска е мирно. Двете улици во центарот на градот „11 Октовмри“ и „Тодор Велков“ и натаму се блокирани за сообраќај, забележливо е зголемено полициско присуство, но пешаците можат непречено да поминуваат.
МВР вчера информираше дека се преземаат мерки за безбедност во Куманово.
И во денешниот извештај на Регионалниот Центар за управување со кризи, се пренесува информација дека добиле известување дека улиците се блокирани поради превентивни полициски активности.
На овие улици се сместени државни институции и установи, судот, СВР Куманово, општината, подружницата на „Македонски Пошти“, како и неколку подружници на државни институции.
Во текот на вчерашниот ден и кумановскиот градоначалник, Зоран Дамајновски, апелираше да не се шират шпекулации и конструкции за зголеменото полициско присуство и блокираните улици во центарот на градот, додека МВР не излезе со официјални информации. И тој рече дека добил информации оти станува збор за засилени мерки за зголемена безбедност во градот.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
