МЗ: Полицајците се во стабилна здравствена состојба, најмалку двајца ќе бидат пуштени дома

Министерството за здравство во врска со здравствената состојба на хоспитализираните припадници на безбедносните сили на Република Македонија, информира дека на Хируршките клиники во Скопје, во моментов, се згрижени 20 пациенти и сите се во стабилна здравствена состојба.

Исто така, во ГОБ 8 Септември се згрижени 9 припадници на безбедносните сили на РМ, сите се во добра здравствена состојба и се очекува во тек на денот, најмалку двајца пациенти да бидат пуштени на домашно лекување.