Младите сликари од Ѓорче Петров ја пронајдоа својата инспирација во селото Кучково

Младите сликари од општината Ѓорче Петров, денес покажаа дека се вистински љубители на природата. Со голем талент и дарба за уметност, голем број дела денес беа насликани од основците од Ѓорче Петров на Детската ликовна колонија во селото Кучково.

Ова е 8-ма година како традиционално се одржува овој настан, а учество зедоа 32  ученици од  основните училишта од општината, а годинава учествуваа и ученици од општината Карпош.                                                                                        

Мотивите и темите за работа на истата се сликање на пејсажи од селото и околината , а работеа со акрилни бои и пастел.

Градоначалникот на општината Ѓорче Петров, Сокол Митровски на учесниците им посака многу инспиративни вакви дела од прекрасниот живописен крај на овој дел од општината, како и од богатото културно наследство.                                                        

На сите ученици им беа доделени дипломи.

Изработените слики ќе бидат изложени  на 1 мај на заедничка изложба по повод денот на крстот во селото Кучково кој традиционалн осе одржува годинава по 10-ти пат.