Ново уживање за посетителите на Водно
Од денеска посетителите на парк шумата Водно, ќе можат да уживаат во новиот едукативен Еко-парк, кој се наоѓа во близина на кабинската жичница која сообраќа до „Милениумскиот крст“.
Еко паркот е на иницијатива на „Пакомак“ - Друштво за управување со пакување и отпад од пакување, во соработка со Про-кредит Банка, Град Скопје, ЈП „Паркови и зеленило“, и на деца и наставници од 60 основни училишта од Скопје.
Се простира на површина од над 1.000 метри квадратни, а во него ќе има и едукативно-информативни табли за историјата на Скопје.
Во Еко - паркот денеска ќе бидат насадени 60 нови зимзелени дрва.
Од растителниот свет на Водно најзастапен е дивиот костен, но има и бреза, липа, даб, габер, бор, смрека, зеленика и друго.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
