Опасност од нови поплави - Град Скопје испрати помош во општина Новаци
По обилните врнежи на дожд и поплави, но и најавениот нов бран врнежи од утре попладне, кога се очекуваат и до 30 литри дожд на метар квадратен, Градот Скопје вчера испрати тим на лица и техничка помош и механизација за справување со поплавите во општина Новаци.
Градот Скопје испрати три цистерни за влечење на вода со две моторни пумпи со голем капацитет за испумпување вода (7800 и 1200 литри во минута), како и една цистерна со вода за пиење. Со техничката помош во општина Новаци е испратена е и екипа од 12 лица од Штабот за заштита и спасување на Град Скопје.
Штабот за заштита и спасување на Град Скопје ја прати состојбата на терен и доколку има потреба ќе испрати дополнителна помош.
Претходно, по првиот бран на обилни дождови и поплави кои во неделата го зафатија источниот дел од државата, Штабот за заштита и спасување на Град Скопје испрати тим на лица и техничка помош и механизација за справување со поплавите во општина Штип.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
