Спасени Македонците во Банско- пожарот во хотелот е изгаснат
Пожарот во хотелот „Шато Вапцаров“ во Банско, во кој имало и гости Македонци, е изгаснат, јавуваат бугарските медиуми.
Пожарот бил пријавен во 6:50 часот утрово, а хотелот е сопственост на семејството на поетот Никола Вапцаров и се наоѓа на на улица „Солун“ во Банско.
Изгорен е дел од кровната конструкција, како и конструкцијата која се протега од каминот од првиот кат до покривот. За гаснење на пожарот пожарникарите го користеле противпожарниот излез на хотелот.
Огнот најверојатно избил од каминот. Нема настрадани или повредени гости во хотелот и персоналот.
Во хотелот имало гости претежно од Србија, Македонија и Велика Британија кои биле евакуирани. Во гаснењето на пожарот учествувале четири противпожарни екипи.
Пред три дена кога експлодираше гасната станица во Разлог, повеќето хотели во двата труристички центра преминаа на алтернативно затоплување (греење) и покрај тоа што снабудвањето со гас доцна вечерта беше нормализирано.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
