Две лица, меѓу кои и напаѓачот, се убиени при престрелка во воена болница во САД

Вооружен маж отвори оган во воена болница во американската сојузна држава Тексас, при што едно лице загина.

Генерал-мајор Стивен Твити од воената база „Форт блис“ изјави дека и напаѓачот е исто така убиен.

Тој не потврди дали напаѓачот е застрелан од офицерите, кои возвратиле на нападот, ниту соопшти детали за жртвата.

Инцидентот се случи во клиниката за ветерани во градот Ел Пасо, која е дел од воениот медицински комплекс.