Снег во Македонија - еве каде вее во моментов

Слаб снег провејува на неколку планински врвови низ земјава во моментов. На Попова Шапка вее слаб снег, но не е додолвно за да се формира снежна покриа. Слаби снежни врнежи и на Маврово но и таму атмосферата воопшто не потсеќа на зима. 
Слаби снежни врнежи и на плаинските превои Плетвар и Стража.

Сообраќајот на сите државни патишта во Македонија се одвива без забрани, по наместа влажни коловози.

Поради појава на магла, намалена видливост има на патните правци: Куманово – Свети Николе до 100 метри, Тетово – Гостивар – крак Маврово 50 метри и Скопје – Тетово 60-70метри.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, каде е можна почеста појава на одрони.

Интензитетот на сообраќај на патните правци надвор од градските средини е умерен.

На граничните премини нема подолги задржувања за влез и за излез од државата.

Инаку, вчера стартуваше времениот сообраќаен режим на забрана за движење на товарни моторни возила,чија најголема дозволена маса надминува 15 тони, на подрачјето на Град Скопје. Забраната е од времен карактер и ќе се спроведува од 19.12.2014 година до 31.03.2015 година, во текот на денот и тоа од 08 часот до 20 часот