Северна Ирска го забрани плаќањето за секс

Северна Ирска е првата британска територија која го забрани плаќањето за секс, пренесоа американските медиуми.

Пионери во оваа законодавна пракса се скандинавските земји.

Огромно мнозинство политичари од двете заедници во Северна Ирска - протестантската и католилката - се обединија и гласаа за поддршка на предлог законот за трговија со луѓе и за сексуални услуги, што е подготвен уште од средината на минатата година.

Велика Британија и многу земји од ЕУ го почитуваат легалниот карактер на проституцијата, а во исто време ги криминализираат повеќето дејности што се поврзани со неа, вклучувајќи ги јавните куќи и нудењето сексуални услуги.

Шведска, Норвешка, Исланд, а сега и Северна Ирска, одлучија дека корисниците на сексуални услуги вршат криминал, но не и проститутките.

Ваков сличен закон се разгледува и во Ирска.

Според донесениот закон, плаќањето за секс во Северна Ирска ќе се  казнува со затвор до една година.