Израелските пратеници изгласаа распуштање на Кнесетот
Израелските пратеници изгласаа синоќа со големо мнозинство гласови распуштање на парламентот-Кнесетот, со цел предвремените избори да се одржат на 17 март.
„За“ гласаа 93 пратеници, а гласови против немаше во Парламентот што брои 120 членови.
Кнесетот со тоа стави крај на својот мандат две години порано отколку што беше предвидено.
Израелската Влада откако е формирана во почетокот на 2013 година беше длабоко поделена во однос на клучни прашања со кои се соочува земјата. Во последните неколку недели кулминираа несогласувањата околу буџетот и законот со кој Израел би се идентификувал како еврејска држава.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
