Могерини: Нужна е поусогласена надворешна политика меѓу ЕУ и Турција
Европската унија и Турција треба да бидат поусогласени во надворешната политика за да се изборат со заканите, како што е Исламска држава (ИД), истакна синоќа шефицата на надворешната политика на Унијата, Федерика Могерини, во текот на посетата на Турција.
Могерини наведе дека Турција, која е кандидат за пристапување кон Унијата, поддржала помалку од третина од последните надворешнополитички ставови на ЕУ, додека во минатото степенот на усогласеност бил околу 80 отсто, пренесуваат британските медиуми.
На прес-конференцијата во Анкара, Могерини нагласи дека е недоволна усогласеноста меѓу ЕУ и Турција на планот на надворешната политика и дека безбедноста треба да се поправи, како и дека оваа неусогласеност претставува проблем и за ЕУ „но, главно, е проблем за Турција“.
Турција од 2005 година преговара за пристапување кон ЕУ, но политичките пречки, првенствено поделениот Кипар, како и отпорот кај некои членки на Унијата за турскиот прием, ги забавија овие преговори.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
