Затворскиот персонал крева раце од Брејвик: Тој не покажува знаци на каење
Норвешкиот масовен убиец Андерс Беринг Брејвик, постојано е преместуван од затворот „Ила“ во „Скиен“, поради тоа што затворскиот персонал се чувствува сосема исцрпен од него.
Друга причина за преместувањата била наведена и безбедноста, но како важен момент за тоа се укажува на истоштеноста на персоналот кој секојдневно работи блиску до Брејвик.
Имено, изворите наведуваат дека вработените во затворите реагираат на тоа што Брејвик и по повеќе од три години од извршените терористички напади во Осло и на островот Утоја, во кои животите ги загубија 77 лица, се уште не покажува никакви знаци на каење.
Вработените исто така сметаат дека Брејвик е манипулативен и дека е тешко да се биде во контакт со него. Освен тоа, тежок работен момент претставува и енормното количество писма што Брејвик ги испраќа и добива.
- Имаме разбирање дека затворите можат да го доживеат Брејвик како тежок затвореник, вели Брејвиковиот адвокат Геир Липестад.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
