Албанија: Запленети 108 килограми марихуана
Грчката полиција на граничниот премин Какавија на грчко-албанската граница заплени 108 килограми албанска марихуана, јави дописникот на МИА.
Според весникот „Шекули“, дрогата заедно со 496 пакетчиња пестициди и 166 шишиња алкохолни пијалаци требало да бидат прошверцувани во Грција.
Тие се откриени од страна на цариниците при контрола на автобус регистриран за меѓународен превоз, кој сообраќал на релација Тирана-Атина. Возачот на автобусот, по потекло од јужниот албански град Ѓирокастро, е уапсен.
Наеодамна албанската полиција во приморскиот град Валона заплени 280 килограми марихуана, натоварена во камион кој со траек требало да отплови за Италија, каде превзувал друга стока.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
