Руни им се извини на навивачите поради црвениот картон

Капитенот на Манчестер Јунајтед Вејн Руни денес се извини на навивачите поради црвениот картон добиен на натпреварот со Вест Хем. Тој беше исклучен во 60.минута по остриот старт над противничкиот играч Стјуарт Даунинг.

- Веднаш бев свесен дека направив грешка. Нема причина да се жалам на одлуката на судијата. Сакав са спречам противнапад. Едноставно бев пребавен и го закачив Даунинг. Беше фаул. Им се извинувам на сите, изјави Руни за клупската веб страна на Јунајтед.

Поради црвениот картон напаѓачот на Манчестер ќе ги пропушти натпреварите со Евертон, ВБА и Челзи.

Манчестер Јунајтед во саботата го победи Вест Хем со 2:1 и со осум бодови е на 7.место во Премиер лигата.