Тибетски студент се самозапали во Кина
Тибетски студент се самозапалил на 17 септември во градот Хезуо во североисточната кинеска провинција Гангсу, соопшти денеска организацијата за заштита на човековите права „Слободен Тибет“ со седиште во Лондон.
Ова е прв случај на самозапалување во последните пет месеци. Многу Тибеќани ги обвинуваат кинеските власти за верска и културна репресија, но Пекинг тврди дека тие имаат целосна верска слобода.
Пекинг истакнува дека вложил големи средства кои на Тибет му донеле модернизација и подобри животни услови.
Во знак на отпор кон кинеската управа на Тибет од 2009 година се самозапалија околу 130 Тибеќани.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
