Претседателот на Романија бара ЕУ и НАТО да ја снабдат Украина со оружје
Претседателот на Романија Трајан Басеску изјави денеска дека Европската унија и НАТО мора да ја снабдат Украина со оружје која е во оружен судир со проруски активисти на исток во државата.
Басеску рече дека на самитот на НАТО в сабота ќе побара од членките на Алијансата да и помогнат на Украина со испраќање оружје.
– Ако сакаме да му дадеме на украинскиот народ шанса...мора да ја снабдиме украинската армија со се што можеме, нагласи Басеску на годишен состанок со романските дипломати.
Басеску се залага и за воведување спрема Русија на „ново ниво санкции“.
Амбасадорот на Украина во ЕУ, Константин Елисеев повика вчера за воена помош на Брисел од „големи размери“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
