Неверството го чинеше многу скапо
Разводот меѓу Руперт Сандерс и Либерти Рос секако не е „најскап“ во историјата на Холивуд, но сепак неверството со актерката Кристен Стјуард скапо го чини познатиот режисер.
Имено, судот реши изневерената сопруга Либерти да добие три од четирите куќи на Руперт, алиментација од 40.000 долари месечно и процент од заработката од неговите идни филмови.
Колку за потсетување последниот филм на Сандерс, „Снежана и Ловецот“, заработи околу 390 милиони долари.
Судот реши режисерот да ја задржи куќата на Малибу и двете возила - комбито „Фолксваген“ од 1970 година и „Нисанот Патфајндер“ од 2002 година.
Адвокат на Рос беше Лора Васер, која поради порашните успеси во бракоразводните постапки, во Холивуд е позната како „пит бул“. Таа беше застапник на Марија Шрајвер при разводот од Арнолд Шварценегер и на нејзината клиентка и донесе приход од 250 милиони долари.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
