Автобус излета од патот кај Куршумлија - 32 лица повредени
Најмалку 32 лица се повредени утрово кога автобус од Подуево, кој сообраќал на релација Салцбург-Приштина, од засега непознати причини излетал од патот кај селото Рударе, во близина на Куршумлија, јави РТС.
Според првичните информации, ниту еден од патниците не е во животна опасност. Повредените се пренесени во здравствените домови во Прокупље и во Куршумлија, каде се утврдува степенот на нивните повреди.
Несреќата се случила во 7 часот.
Во автобусот се наоѓале 49 патници, а причините за несреќата се испитуваат.
19.07.2014 - 11:02
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа