ВИДЕО: Уругвај на колена пред Колумбија
Колумбија е вториот четвртфиналист на Светското првенство откако доцна синоќа го победи Уругвај со 2:0 со головите на Џејмс Родригез.
Двојниот стрелец за Колумбија погоди во 28 и 50.минута и со овие два гола има вкупно пет на Мундијалот и е водечки стрелец.
Уругвајците настапија ослабени без казнетиот Луис Суарез, а неговата замена Диего Форлан како да го немаше на теренот, па во 53.минута беше повлечен од игра.
Пласманот меѓу осумте најдобри е најголем успех за Колумбијците на светските шампионати.
Во четвртфиналето противник на Колумбија ќе биде домаќинот Бразил кој вчеравечер по изведување пенали беше поуспешен од Чиле.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
