Единицата за економски криминал и корупција при СВР Скопје го повикала на разговор екс-министерот Љупчо Николовски пред неколку дена, информираат од полицијата.
Според официјалната потврда од МВР, Николовски се појавил во полициската станица на 7 мај по наредба на ОЈО.
„Во тек се активности по што соодветно ќе ја информираме јавноста“, додаваат од МВР во куткиот одговор за случајот.
Љупчо Николовски преку својот профил на „Фејсбук“ демантираше каква било вмешаност во незаконски дејствија при јавните набавки и обвини за политички притисок.
„Станува збор за монтиран случај, кој треба да го оттргне вниманието од вистинските прашања. Вие живеете од таа реформа“, им порача Николовски на земјоделците и производителите.
Тој потенцираше дека не се работи за пријава од земјоделци и упати критики кон актуелните власти за „неспособност“ која се крие зад напади врз неговата претходна работа.