Заменик-претседателот на Владата и министер за транспорт, Александар Николоски, денеска ќе оствари работна посета на општина Струмица.
Во рамки на посетата, Николоски ќе се обрати на свечената церемонија за поставување камен-темелник на продажен објект на „Лидл“ во Струмица, на која ќе присуствуваат и оперативниот директор на „Лидл“ Северна Македонија, Рубријан Хаџиев, како и градоначалникот на Струмица, Петар Јанков.
Вицепремиерот ќе изврши и увид во изградбата на комунален систем во селото Просениково, каде е предвидено да даде изјава за медиумите.
Од компанијата информираат дека инвестицијата претставува значаен придонес за локалниот економски развој, отворање нови работни места и унапредување на понудата за потрошувачите, како и можност за продлабочување на соработката со домашните производители.