Авиокомпанијата „Визер“ го поставува својот седми авион во базата на скопскиот аеродром, со што таа станува трета најголема база на компанијата во Европа.
За ова остварување информираше министерот за транспорт, Александар Николоски, кој посочи дека ова претставува клучен чекор во развојот на домашниот авиосообраќај.
Според податоците што ги изнесе тој, во првите шест месеци од годинава преку аеродромите во Скопје и Охрид се регистрирани над два милиони патници.
Заедно со зголемувањето на флотата се најавува воведување на нови авиолински рути и дестинации за патниците.
Министерот Николоски во својата изјава ја истакна важноста на оваа инвестиција за понатамошниот развој:
„Воведувањето на 7-от авион во базата на Визер во Скопје е огромно достигнување во развојот на авиосообраќајот во Македонија. Веќе имаме преку 2 милиони патници во првите шест месеци на двата аеродроми, Охрид и Скопје, што јасно го покажува растот. Многу нови дестинации, многу нови авио рути. Ќе продолжиме заедно да работиме и ќе продолжиме заедно да напредуваме. Ова е одлична приказна којашто заеднички ќе продолжиме да ја развиваме.“
Со оваа експанзија се очекува дополнително да се подобри поврзаноста на земјава со европските метрополи.