Охридскиот аеродром „Св. Апостол Павле“ утрово официјално го пречека првиот авион на „Аустриан Ерлајнс“, со што и формално започна да функционира новата редовна авиолинија Виена – Охрид.
Оваа нова воздушна линија ќе се реализира двапати неделно, секој четврток и недела, овозможувајќи му на охридското крајбрежје директна поврзаност со уште една важна европска дестинација.
Со овој најнов чекор, од Охридскиот аеродром во моментов се реализираат вкупно 16 авиолинии, од кои 13 се редовни, а три функционираат како чартер линии.
Виенскиот аеродром важи за еден од најголемите европски хабови со преку 200 конектинг летови, што практично го поврзува Охрид со дури 66 држави низ светот.
Паралелно со проширувањето на линиите, во тек е и комплетна реконструкција на Охридскиот аеродром со цел унапредување на капацитетите и модернизација на целокупната инфраструктура.
- „Воведувањето на оваа линија има огромно значење за развој на охридскиот аеродром, бидејќи аеродромот во Виена е еден од најголемите европски хабови и еден од најважните воздушни центри во Централна и Источна Европа… Дополнителено значење има фактот што оваа линија ја оперира „Аустријан Ерлајнс“, една од топ десетте најголеми авиокомпании во Европа“, наведува вицепремиерот Александар Николоски во објава на Фејсбук.