Ние сме единствена држава што во време на глобална авиокриза отвора нови дестинации. Вицепремиерот и министерот за транспорт Александар Николоски, најави дека се отвораат пет нови линии во следните недели.
-„Австрија ерлајнс“ почнува да лета редовно од Виена во Охрид, што ќе е одлично за конектинг – летовите од Виена. „Визер“ почнува да лета од Полска од Вроцлав и Краков, исто за Охрид, што ќе е одлично за развојот на туризмот, ќе донесе полски туристи. А, од Скопје имаме две одлични летни дестинации, што ќе продолжат и после летото, но, така се перципираат. Едната е Палермо на Сицилија и втората е Алгеро на Сардинија. Така што сме единствена држава што отвара нови летови, вели Николоски.
Министерот за транспорт Александар Николоски изјави дека од Скопје целосно се снабдува аеродромот во Приштина со керозин, додека нишкиот аеродром се снабдува делумно.
Според него, добрата организација и логистика во Скопје овозможуваат непречено функционирање на овие два аеродрома во регионот.