Управата за хидрометеоролошки работи (УХМР) издаде предупредувања за нестабилно време следено со пороен дожд, засилен ветер и грмежи во регионите на Струмица и Струга.
Според информациите од УХМР, нестабилна воздушна маса најпрво е регистрирана северозападно од Струмица.
„Пороен дожд, засилен ветер и грмежи северозападно од Струмица!“, соопштија од УХМР.
Покрај струмичкиот регион, невреме е забележано и во областа на Струга, со правец на движење од север кон југ.
„Пороен дожд, засилен ветер и грмежи северно од Струга! Правецот на движење е од север кон југ!“, наведуваат од Управата.