Close Menu
Press24
    Најново

    Поранешна министерка загина во железничката несреќа во Шпанија

    28.10.2026 во 15:59

    Закана од терористички напад – Заканувачка порака испратена на е-маил на Народното собрание на РС

    28.10.2026 во 15:49

    Тошковски од САД: Најсовремените светски технологии и искуства во функција на поголема безбедност на граѓаните во Македонија

    28.10.2026 во 15:29
    Facebook X (Twitter) Instagram
    • Поранешна министерка загина во железничката несреќа во Шпанија
    • Закана од терористички напад – Заканувачка порака испратена на е-маил на Народното собрание на РС
    • Тошковски од САД: Најсовремените светски технологии и искуства во функција на поголема безбедност на граѓаните во Македонија
    • Кривична пријава за директорот на ЈКП „Брегалница“ од Делчево: Злоупотребил службена положба за слободни денови на вработена
    • Велес: Автомобил излетал од пат, па се забил во дрво
    • ВИДЕО: „Алкалоид“ е првата домашна компанија добитник на престижниот меѓународен сертификат TOP EMPLOYER 2026
    • Кражба во охридски хостел: Египќанец украл телефон и пари од гости, па приведен на автопатот Тетово – Скопје
    • Мицкоски: Сите потврдија дека сме земја со најголем раст во регионот
    • Најново
    • Популарно
    • Маркетинг
    • Импресум
    Facebook Instagram TikTok
    Press24Press24
    • Насловна
    • Македонија
      • Политика
      • Скопје
      • Црна хроника
    • Бизнис
    • Свет
      • Регион
    • Забава
    • Спорт
    • Технологија
    • Интервју
    Press24
    Home » Нема да се избира само најевтината понуда: Нови правила за јавните набавки

    Нема да се избира само најевтината понуда: Нови правила за јавните набавки

    27.10.2026 во 11:082 Mins Read
    Сподели
    Facebook Twitter WhatsApp

    Јавните институции ќе мора да ги земаат предвид и квалитетот и долгорочната исплатливост при изборот на понуди, а не да се водат исклучиво од најниската цена. Ова е една од новините предвидени со измените на Законот за јавните набавки, кои Собранието ги усвои на 122. седница.

    Од Министерството за финансии информираат дека законските измени имаат цел да ја подобрат конкуренцијата, да ја зголемат транспарентноста и да овозможат поодговорно трошење на парите од јавниот буџет.

    Една од главните промени е задолжителното користење на критериумот „најдобар сооднос помеѓу цена и квалитет“. Со тоа, при изборот на најповолната понуда ќе се оценуваат и квалитетот на производите и услугите, како и нивната долгорочна оправданост.

    Предвидени се и новини во електронскиот систем за набавки од мала вредност, со кои треба да се поттикне поголемо учество на компаниите и да се зголеми конкуренцијата.

    Измените опфаќаат и поширока дигитализација на постапките. Бирото за јавни набавки ќе добие проширени можности за користење современи дигитални алатки, вклучително и решенија засновани на вештачка интелигенција. Според Министерството, тие треба да помогнат во следењето на постапките, откривањето ризици и спречувањето можни злоупотреби.

    Дополнително, ќе се овозможи автоматска размена на податоци меѓу институциите преку веб-сервиси, со што треба да се намали административното оптоварување и да се олесни спроведувањето на набавките.

    Поголема јавност на постапките се предвидува и преку обврска за објавување известувања за доброволна претходна транспарентност во одредени случаи кога се преговара без претходно објавен оглас.

    Промени ќе има и во професионалниот развој на службениците задолжени за јавни набавки. Наместо периодично повторно полагање испити за ресертификација, се воведува систем на континуирано стручно усовршување.

    Со измените се ревидираат и вредносните прагови за примена на законот, во согласност со економските услови и растот на трошоците, како и надоместоците за жалбените постапки.

    Од Министерството за финансии посочуваат дека промените се дел од реформите поврзани со Реформската агенда и Планот за раст на Европската Унија за Западен Балкан, со цел националниот систем на јавни набавки да се приближи до европските стандарди.

    Featured Just In Picks Top News
    Прочитај повеќе

    Кузеска: По падот на Вучиќ, пари од Алта банка се префрлаат во Македонија

    28.10.2026 во 11:25

    Герасимовски со стипендии за осум ученици: По 4.500 денари месечно за полесно школување

    28.10.2026 во 11:13
    Facebook X (Twitter) Instagram
    • Насловна
    • Најново
    • Импресум
    • Маркетинг
    Њу Медиа Комјуникејшн © 2010 | сите права заштитени

    Type above and press Enter to search. Press Esc to cancel.