Неексплодирани гранати пронајдени во Виница и Битола

Министерството за внатрешни работи информираше дека вчера во 09:40 часот, 63-годишниот З.Ѓ. од Виница пријавил дека во атар на село Црн Камен, виничко, на место викано „Камена трага“, пронашол неексплодирана граната калибар 75 мм, од Првата светска војна. Гранатата била подигната од Дирекцијата за заштита и спасување-Виница за понатамошна постапка.

Истиот ден, во 15:23 часот, И.Д. пријавил дека во Битола, во близина на мостот во населбата Баир, при изведување градежни работи, пронашол неексплодирана артилериска граната калибар 75 мм од Првата светска војна. Гранатата била подигната од Дирекцијата за заштита и спасување - Битола за понатамошна постапка.