Празничното расположение за 1 Мај 2026 година би можело да биде нарушено од невообичаено студено време. Метеорологот Славчо Попоски објави „разочарувачка“ временска прогноза која најавува драстична промена на времето непосредно пред и по првомајските празници.
Според најавите, наместо пролетно сонце, нè очекуваат значително пониски температури од просечните за овој дел од годината. Попоски предупредува дека периодот околу 1 Мај ќе биде проследен со врнежи од дожд, но и од снег во одредени предели.
„Разочарувачка метео информација и за 1 Мај 2026 како и за деновите по 1 Мај 2026. Невообичаено ладно време и врнежи од дожд и од снег. И тоа како ќе ни биде потребна топлата облека“, пишува Попоски.
Ова значи дека сите оние кои планирале пикник или престој во природа за време на празниците, ќе мора да ја прилагодат својата облека и планови, бидејќи студениот бран ќе донесе услови кои повеќе потсетуваат на доцна зима отколку на почеток на мај.