Не излегувајте од дома без чадор, УХМР најавува дождови

Денеска времето ќе биде претежно облачно со повремени врнежи од дожд, на некои места поројни.

Додека пак утре,  ќе се задржи променливо облачно и свежо со повремени врнежи од дожд, кои на места ќе бидат поројни и пообилни особено во западните и јужните делови. Ќе дува слаб до умерен ветер од југоисточен правец, повеќе изразен вдолж Повардарието. Минималната температура ќе биде во интервал од 11 до 17, а максималната ќе достигне од 16 до 22 степена.

Во Скопје променливо облачно и посвежо, попладне и кон крајот на денот со повремен дожд. Ќе дува слаб до умерен југоисточен ветер. Минималната температура ќе се спушти до 17, а максималната ќе достигне 22 степена.

Сообраќајот на државните патишта се одвива непречено, по наместа влажни коловози. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.