Времето денеска во Македонија ќе биде променливо облачно со сончеви периоди. Од пладневните часови се очекуваат локални врнежи од дожд, а постојат услови и за изолирана појава на краткотраен пороен дожд проследен со ретки грмежи.
Во западните делови од земјава ќе дува слаб до умерен ветер, кој повремено ќе биде засилен, од западен правец. Дневните температури ќе се движат во интервал од 3 до 10 степени за минималните, додека максималните ќе достигнат од 16 до 23 степени Целзиусови.
Во Скопје се очекува променливо облачно време. Попладне во делови од котлината ќе има повремен дожд. Ќе дува слаб до умерен ветер од северен правец, со температура која ќе се движи меѓу минимални 8 и максимални 21 степен.