Најмалку пет лица загинаа, а 16 се повредени во силна експлозија што одекна во преполно кафуле во центарот на Дамаск, јавуваат сириските државни медиуми.
Според информациите од државната телевизија, експлозивната направа била поставена во објектот кој се наоѓа во непосредна близина на Палатата на правдата.
Безбедносните служби веднаш излегле на терен, но до овој момент ниту една група или организација нема преземено одговорност за нападот.
Ова е еден од ретките бомбашки напади во сириската престолнина по соборувањето на поранешниот претседател Башар ел Асад кон крајот на 2024 година.
Претходно, во мај годинава, во експлозија на автомобил-бомба пред Министерството за одбрана во Дамаск загина еден сириски војник, а најмалку 18 лица беа повредени.