Македонија се подготвува за едно од потоплите лета во последните години. Според долгорочните прогнози на метеорологот Славчо Поповски, летото 2026 година ќе биде обележано со чести и изразени топлотни бранови со потекло од Африка, кои ќе донесат екстремно високи температури.
Најкритично ќе биде во централните и југоисточните делови од земјата, каде термометарот редовно ќе се искачува над 40-тиот степен. Покрај дневните жештини, се најавува и зголемена појава на т.н. „тропски ноќи“, кога минималните температури во поголемиот дел од државата нема да паѓаат под 20 степени.
Главната причина за ваквите прогнози е засилувањето на познатиот климатолошки феномен.
„Сето ова е поради тоа што во текот на летните месеци значително ќе добие на интензитет климатолошкиот феномен Ел Нињо кој носи топлина и многу жешки лета во Европа и секако на Балканот и во Македонија“, најавува Поповски.