Началникот на израелската војска: Хезболах не смее да се доближи до израелската граница

Началникот на израелската војска Херзи Халеви им порача на војниците дека на Хезболах нема да му биде дозволено да биде присутен блиску до северната граница. Халеви прецизираше дека Израел нема да дозволи присуство на Хезболах на границата „200 метри од Метула, или од Штула или од Рош Ханикра.

Неговите забелешки дојдоа откако Израел го нападна високиот командант на Хезболах, Фуад Шукур, кого го обвинуваат дека лансирал ракета врз Мајдал Шамс во Голанската висорамнина, анектирана од Израел, во која загинаа 12 деца.

Израелскиот напад ги зголеми стравувања дека тензичните престрелки ќе се претворат во сеопфатна војна и ќе предизвикаат регионален конфликт.

Хезболах и Израел почнаа да разменуваат оган долж либанско-израелската граница речиси секојдневно од почетокот на војната меѓу Израел и Хамас.